12.06.2019 г. на базе ААТ «Баранавіцкі малочны завод» прайшоў Дзень якасці, арганізаваны Баранавіцкім гарадскім выканаўчым камітэтам сумесна з РУП «Баранавіцкі ЦСМС» пры ўдзеле Брэсцкай абласной інспекцыі Дзяржстандарту, ДУ «Баранавіцкі ЗЦГіЭ», вядучых спецыялістаў у галіне якасці прадпрыемстваў Баранавіцкага рэгіёну.

У рамках Дня якасці наведаны вытворчыя аб'екты, аддзел выпрабаванняў. Удзельнікі мерапрыемства азнаёміліся з асаблівасцямі прыёмкі і ўваходнага кантролю сырога малака, з перадавым праграмным забеспячэннем і тэхналогіямі вытворчасці цвёрдых сыроў, працы мікрабіялагічнай лабараторыі.

Праведзена пленарнае пасяджэнне, на якім кіраўніком ААТ «Баранавіцкі малочны завод» былі агучаны асноўныя напрамкі стратэгіі развіцця прадпрыемства, сярод якіх мадэрнізацыя абсталявання, прымяненне вопыту замежных партнёраў, укараненне эфектыўных інструментаў менеджменту якасці для дасягнення адной з асноўных мэт-выпуск прадукцыі высокай і стабільнай якасці пры максімальнай натуральнасці.

Дырэктарам РУП «Баранавіцкі ЦСМС» было асабліва адзначана важнасць удзелу вытворцаў у развіцці стандартызацыі; неабходнасць прымянення перадавых тэхналогій; укаранення перадавых методык і сучасных міжнародных сістэм менеджменту, навучання персаналу для павышэння эфектыўнасці работы прадпрыемстваў, умацавання сваіх пазіцый на рынках і росту канкурэнтаздольнасці тавараў; удзелу ў прэстыжных рэспубліканскіх і абласных конкурсах.

У рамках дыскусіі паміж спецыялістамі прайшло абмеркаванне пытанняў забеспячэння якасці і бяспекі прадукцыі, фарміравання цэн.

Удзельнікі азнаёміліся са смакавымі якасцямі малочнай прадукцыі на дэгустацыі, арганізаванай спецыялістамі ААТ «Баранавіцкі малочны завод».